നിലമേലിൽ മദ്യപിച്ചെത്തിയ മകൻ അമ്മയെ വെട്ടി കൊലപ്പെടുത്താൻ ശ്രമിച്ചു.

 നിലമേൽ: നിലമേലിൽ മദ്യപിച്ചെത്തിയ മകൻ അമ്മയെ വെട്ടി കൊലപ്പെടുത്താൻ ശ്രമിച്ചു. നിലമേൽ കൈതക്കുഴി ചരുവിള പുത്തൻവീട്ടിൽ 28 വയസ്സുള്ള മനോജിനെ ചടയമംഗലം പോലീസ്‌ കസ്റ്റഡിയിലെടുത്തു.

 മദ്യപിച്ചെത്തിയ മകൻ അമ്മയായ സരസ്വതിയുമായി വഴക്കുണ്ടാക്കുകയും തുടർന്ന് കറി കത്തിയെടുത്ത് കഴുത്തിൽ വെട്ടുകയും ചെയ്തു.ഇവരുടെ കയ്യിലും പരിക്കുണ്ട്. പരിക്കേറ്റ വീട്ടമ്മയെ  കടയ്ക്കൽ താലൂക്ക് ആശുപത്രിയിൽ പ്രവേശിപ്പിച്ചു.

 കഴുത്തിൽ അഞ്ച് സ്റ്റിച്ചും കയ്യിൽ മൂന്ന് സ്റ്റിച്ചും ഉണ്ട്. പരിക്കേറ്റ സരസ്വതിയുടെ വിശദമായ മൊഴി രേഖപ്പെടുത്തിയ ചടയമംഗലം പോലീസ് മകനെതിരെ കൊലപാതക ശ്രമത്തിന് കേസെടുത്തു.

പ്രതിയെ നാളെ കോടതിയിൽ ഹാജരാക്കും.