പത്തനംതിട്ട: ആറന്മുളയിൽ സ്കൂൾ വിദ്യാർഥിനിക്ക് നേരേ ലൈംഗികാതിക്രമം നടത്തിയെന്ന പരാതിയിൽ കപ്പ്യാർ അറസ്റ്റിൽ. ഇടയാറന്മുള സ്വദേശിയായ തോമസിനെയാണ് ആറന്മുള പൊലീസ് പിടികൂടിയത്. പെൺകുട്ടിയുടെ മാതാവ് നൽകിയ പരാതിയിലാണ് നടപടി സ്വീകരിച്ചത്.
കഴിഞ്ഞ ചൊവ്വാഴ്ച കൂട്ടുകാർക്കൊപ്പം സ്കൂളിനോട് ചേർന്ന പ്രാർഥനാലയത്തിൽ എത്തിയ എട്ടാംക്ലാസുകാരിയെ കപ്പ്യാർ കടന്നുപിടിച്ചെന്നാണ് പരാതിയിൽ പറയുന്നത്.
പെൺകുട്ടി രാവിലെ ഒൻപതരയോടെ കൂട്ടുക്കാർക്കൊപ്പം പ്രാർത്ഥനയ്ക്കെത്തുകയായിരുന്നു. ഇതിനിടെ കപ്പ്യാർ പെൺകുട്ടിക്ക് നേരേ അതിക്രമം കാട്ടിയെന്നാണ് പരാതിയിൽ പറയുന്നത്. സംഭവശേഷം പെൺകുട്ടിയുടെ സഹപാഠി അധ്യാപിക മുഖേന പെൺകുട്ടിയുടെ വീട്ടുക്കാരെ വിവരമറിയിക്കുകയായിരുന്നു. തുടർന്ന് സ്കൂൾ അധികൃതരുടെ നിർദേശാനുസരണം പെൺകുട്ടിയുടെ അമ്മ പോലീസിൽ പരാതി നൽകുകയായിരുന്നു.
No comments:
Post a Comment