ലഹരിമരുന്നുമായി ദമ്പതികളടക്കം നാല് പേരെ പോലീസ് അറസ്റ്റ് ചെയ്തു.

കൊച്ചി : ലഹരിമരുന്നുമായി ദമ്പതികളടക്കം നാല് പേരെ പോലീസ് അറസ്റ്റ് ചെയ്തു. കോതമംഗലം സ്വദേശി റിജു ഇബ്രാഹീം റയ്യാൻ, ഭാര്യ ഷാനിമോൾ, തിരുവനന്തപുരം സ്വദേശി അനീഷ്, തൃശൂർ സ്വദേശി ആൽബർട്ട് എം ജോർജ്. എന്നിവരാണ് അറസ്റ്റിലായത്. ഇവരിൽ നിന്ന് 18.79 ഗ്രാം എംഡിഎംഎ പോലീസ് പിടിച്ചെടുത്തു.

ഹോട്ടലുകൾ കേന്ദ്രീകരിച്ച് ലഹരിമരുന്ന് വിൽപ്പന നടത്തി വരികയായിരുന്നു സംഘം. പൊലീസിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ നടത്തിയ അന്വേഷണത്തിലാണ് സംഘം അറസ്റ്റിലായത്. ഭാര്യ ഷാനിമോളെ മുൻനിർത്തി ഭർത്താവ് റിജു ഇബ്രാഹീം ലഹരിമരുന്ന് ഇടപാട് നടത്തിയിരുന്നത്. മംഗലാപുരത്ത് നിന്നാണ് സംഘം ലഹരിമരുന്ന് എത്തിച്ചിരുന്നത്.

അതേസമയം ഭാര്യയ്ക്ക് ലഹരി ഇടപാടുമായി ബന്ധമില്ലെന്ന് റിജു പറയുന്നു. മകന് പഠനോപകരണങ്ങൾ വാങ്ങാനായാണ് ഭാര്യ കൂടെ വന്നതെന്നാണ് റിജു പോലീസിനോട് പറഞ്ഞത്. എന്നാൽ ഷാനിമോൾക്ക് ലഹരിമരുന്ന് ഇടപാടിൽ ബന്ധമുണ്ടെന്ന് പോലീസ് പറയുന്നു.