ചടയമംഗലം :16 കാരിയെ ബൈക്കിലെത്തി വീട്ടിൽ നിന്നും കടത്തികൊണ്ടുപോയി പീഡിപ്പിച്ച 26 കാരനായ കൊല്ലം ഇളമാട് തേവന്നൂർ സ്വദേശിയെ ചടയമംഗലം പോലീസ് അറസ്റ്റ് ചെയ്തു.
കഴിഞ്ഞദിവസം പെൺ കുട്ടിയെ കാണാനില്ലെന്ന് കാണിച്ച് മാതാപിതാക്കൾ ചടയമംഗലം പോലീസിൽ പരാതി നൽകിയിരുന്നു. തുടർന്ന് ചടയമംഗലം പോലീസ് നടത്തിയ അന്വേഷണത്തിനൊടുവിലാണ് കുട്ടി തേവന്നൂരിലുള്ള യുവാവിന്റെ വീട്ടിലുണ്ടെന്ന് കണ്ടെത്തിയത്.
പെൺകുട്ടിയുമായി യുവാവ് രണ്ടു വർഷത്തിലേറെയായി അടുപ്പത്തിലായിരുന്നു.ഇരുവരെയും പോലീസ് സ്റ്റേഷനിൽ എത്തിച്ച ശേഷം പെൺകുട്ടിയുടെ മൊഴി രേഖപ്പെടുത്തി പോക്സോ വകുപ്പ് പ്രകാരം യുവാവിനെതിരെ കേസെടുത്തു. കുട്ടിയെ മെഡിക്കൽ പരിശോധനയ്ക്ക് വിധേയമാക്കിയപ്പോൾ പെൺകുട്ടി പീഡനത്തിനിരയായതായി കണ്ടെത്തി.
കോടതിയിൽ ഹാജരാക്കിയ പെൺകുട്ടിയുടെ മൊഴി രേഖപ്പെടുത്തുകയും മാതാപിതാക്കളോടൊപ്പം പോകാൻ വിസമ്മതിച്ച കുട്ടിയെ ബാലിക മന്ദിരത്തിലേക്ക് മാറ്റുകയും ചെയ്തു.
തേവന്നൂർ വണ്ടിപ്പുര ഹരിഭവനിൽ ഭവനിൽ രവികൃഷ്ണനെയാണ് ചടയമംഗലം പോലീസ് അറസ്റ്റ് ചെയ്തത്. മെഡിക്കൽ പരിശോധനയ്ക്ക് ശേഷം കോടതിയിൽ ഹാജരാക്കിയ പ്രതിയെ കോടതി റിമാൻഡ് ചെയ്തു.
No comments:
Post a Comment