മുട്ടം(ഇടുക്കി): മലങ്കര ജലാശയത്തിലെ തുരുത്തിൽ പ്ലസ് വൺ വിദ്യാർഥിനിയെ എത്തിച്ച് പീഡിപ്പിച്ച സംഭവത്തിൽ ഒളിവിലായിരുന്ന യുവാവിനെ മുട്ടം പോലീസ് അറസ്റ്റുചെയ്തു. മുട്ടം സ്വദേശി താന്നിക്കാമറ്റത്തിൽ ഉദയലാൽ ഘോഷിനെ(34) ആണ് എറണാകുളത്തുനിന്ന് പിടികൂടിയത്.
ഇടുക്കി സ്വദേശിനിയായ യുവതിക്കൊപ്പം ലോഡ്ജിൽ ഒളിവിൽ കഴിയുകയായിരുന്നു ഇയാൾ. യുവതിയുടെ ഫോൺ നിരീക്ഷിച്ചതിലൂടെയാണ് പ്രതിയെ പിടികൂടിയതെന്ന് സ്റ്റേഷൻ ഓഫീസർ പ്രിൻസ് ജോസഫ് പറഞ്ഞു.
എറണാകുളത്ത് ഹോംനഴ്സായി ജോലി ചെയ്തുവരുന്ന ഈ സ്ത്രീയെ ഇയാൾ അടുത്തിടെ രജിസ്റ്റർ വിവാഹം ചെയ്തിരുന്നു. ജനുവരി 26-നാണ് കേസിനാസ്പദമായ സംഭവം നടന്നത്. അന്ന് ഉച്ചയോടെയാണ് പെൺകുട്ടിയും കൂട്ടുകാരും മലങ്കര ജലാശയം കാണാനെത്തിയത്. രണ്ട് കുട്ടവഞ്ചികളിലായി പ്രതിയും പെൺകുട്ടികളുംകൂടി തുരുത്തിലേക്കുപോയി. പിന്നീട്, മറ്റ് രണ്ട് കുട്ടികളെയും പ്രതി തിരിച്ചയച്ചു. എന്നിട്ട് പെൺകുട്ടിയെ തന്ത്രപൂർവം തുരുത്തിലെത്തിച്ച് പീഡിപ്പിക്കുകയായിരുന്നു.
No comments:
Post a Comment