തിരുവനന്തപുരം: വെഞ്ഞാറമൂട് വേളാവൂരിൽ നിയന്ത്രണം വിട്ട കാർ വീടിന്റെ മതിലിലേക്ക് ഇടിച്ചുകയറി ഉണ്ടായ അപകടത്തിൽ സ്ത്രീ മരിച്ചു. കൊല്ലം ചടയമംഗലം പോരേടം എ കെ മൻസിലിൽ അസീഫ ബീവിയാണ് മരിച്ചത്. കാർ ഓടിച്ചിരുന്ന ഭർത്താവ് അബ്ദുൽ കരീമിനെ പരിക്കുകളോടെ വെഞ്ഞാറമൂട്ടിലേ സ്വകാര്യ ആശുപത്രിയിൽ പ്രവേശിപ്പിച്ചു.
ഭാര്യയുടെ ചികിത്സയ്ക്കുവേണ്ടിയാണ് ചടയമംഗലത്തുനിന്ന് രാവിലെ കുടുംബം കാറിൽ തിരുവനന്തപുരത്തേക്ക് തിരിച്ചത്. പത്തനംതിട്ടയിൽ നിന്ന് വെഞ്ഞാറമൂട്ടിലേക്ക് പോവുകയായിരുന്ന മറ്റൊരു കാറിൽ ഇടിച്ചശേഷം കാർ വീടിന്റെ മതിലിലേക്ക് ഇടിച്ചു കയറുകയായിരുന്നു. സംഭവം സ്ഥലത്തുവെച്ചുതന്നെ അസീഫ ബീവി മരിച്ചു.
വേളാവൂർ ആളുമാനൂർ ഉത്തമത്തിൽ ഹരിപ്രസാദിന്റെ വീട്ടിലേക്കാണ് കാർ നിയന്ത്രണം തെറ്റി പാഞ്ഞു കയറിയത്.അപകടം പതിയിരിക്കുന്ന വളവുകളിൽ ഒന്നാണ് കഴക്കൂട്ടം ചെങ്ങന്നൂർ ബൈപ്പാസിലെ ആളുമാനൂർ വളവ്. ഈ പ്രദേശത്ത് അപകടങ്ങൾ പതിവാണെന്ന് നാട്ടുകാർ പറയുന്നു. വീതിയുള്ള റോഡാണെങ്കിലും യാതൊരുവിധത്തിലുള്ള സുരക്ഷ മുന്നറിയിപ്പുകളും ഇവിടെയില്ല. ബന്ധപ്പെട്ടവർക്ക് നിരവധി പരാതികൾ നൽകിയെങ്കിലും നടപടി സ്വീകരിക്കാൻ തയ്യാറായില്ലെന്ന് നാട്ടുകാർ പറയുന്നു.
No comments:
Post a Comment