കൊല്ലം: നിര്‍മ്മാണത്തിലിരിക്കുന്ന വീട്ടില്‍ നിന്നും ഇലക്ട്രിക്ക് കേബിളുകളും നിര്‍മ്മാണ ആവശ്യങ്ങള്‍ക്കായി സൂക്ഷിച്ചിരുന്ന ഇരുമ്പ് പൈപ്പുകളും മോഷ്ടിച്ചെടുത്ത പ്രതി പോലീസ് പിടിയില്‍. ശക്തികുളങ്ങര കന്നിമേല്‍ചേരി ആമച്ചിറ വീട്ടില്‍ തന്‍സീല്‍(23) ആണ് ശക്തികുളങ്ങര പോലീസിന്‍റെ പിടിയിലായത്.
കന്നിമേല്‍ ചേരി മണ്ണൂര്‍ പടിഞ്ഞാറ്റതില്‍ അനൂപിന്‍റെ നിര്‍മ്മാണത്തിലിരിക്കുന്ന വീട്ടില്‍ നിന്നുമാണ് 13 ആം തീയതി രാത്രിയോടെ സാധനങ്ങള്‍ മോഷണം പോയത്. അനൂപിന്‍റെ പരാതിയെ തുടര്‍ന്ന് ശക്തികുളങ്ങര പോലീസ് കേസ് രജിസ്റ്റര്‍ ചെയ്യ്ത് അന്വേഷണം ആരംഭിക്കുകയും സി.സി.ടി.വി ദൃശ്യങ്ങളുടേയും മറ്റും സഹായത്തോടെ മോഷ്ടാവിനെ തിരിച്ചറിഞ്ഞ് അറസ്റ്റ് ചെയ്യുകയുമായിരുന്നു. അറസ്റ്റിലായ തന്‍സീല്‍ മുമ്പും പല ക്രിമിനല്‍ കേസുകളിലും പ്രതിയായിട്ടുള്ള ആളാണ്.
ശക്തികുളങ്ങര പോലീസ് ഇന്‍സ്പെക്ടര്‍ ബിനു വര്‍ഗ്ഗീസിന്‍റെ നിര്‍ദ്ദേശപ്രകാരം എസ്ഐമാരായ ആശ ഐ.വി, ഡാര്‍വിന്‍, അനില്‍ കുമാര്‍, എഎസ്ഐ പ്രദീപ് പണിക്കര്‍, സീനിയര്‍ സിവില്‍ പോലീസ് ഓഫീസര്‍മാരായ ബിജു, അബുതാഹിര്‍, എന്നിവരടങ്ങിയ സംഘമാണ് പ്രതിയെ പിടികൂടിയത്. ഇയാളെ കോടതിയില്‍ ഹാജരാക്കി റിമാന്‍റ് ചെയ്തു.
#KollamCityPolice
#keralapolice
No comments:
Post a Comment