കൊച്ചി: വിരുന്നിനെത്തിയ വീട്ടിനുള്ളിലെ കുളിമുറിയിൽ ഒളിക്യാമറ വച്ച്‌ നഗ്നദൃശ്യങ്ങൾ പകർത്തിയ ഐ ടി വിദഗ്ധൻ അറസ്റ്റിൽ. ഐടി പാർക്ക് ജീവനക്കാരനായ കോന്തുരുത്തി സ്വദേശി സനലിനെയാണ് എറണാകുളം സൗത്ത് പോലീസ് അറസ്റ്റ് ചെയ്തത്. ഭാര്യയോടൊപ്പം സൗഹൃദ സന്ദർശനത്തിന് എത്തിയ വീട്ടിലെ കുളിമുറിയിലാണ് ഇയാൾ പെൻ ക്യാമറ ഒളിപ്പിച്ചതെന്ന് പോലീസ് പറഞ്ഞു.
സന്ദർശനത്തിനെത്തിയ വീട്ടിലെ കിടപ്പു മുറിയോട് ചേർന്നുള്ള കുളിമുറിയിലാണ് സനൽ രഹസ്യ ക്യാമറ ഒളിപ്പിച്ചു വച്ചത്. വീട്ടുകാരെ സന്ദർശിച്ചശേഷം കുളിമുറിയിൽ കയറിയ ഇയാൾ ക്യാമറ ഒളിപ്പിക്കുകയായിരുന്നു. യുവതിയാണ് പെൻ ക്യാമറ കണ്ടെത്തിയത്. അന്വേഷണത്തിൽ സനൽ പിടിയിലായി.
വീട്ടുകാരും ഒപ്പമുണ്ടായിരുന്ന ഭാര്യയും അറിയാതെയായിരുന്നു സനൽ കുളിമുറിയിൽ ക്യാമറ വെച്ചത്. ക്യാമറ വെച്ച് തിരിച്ച് പോയ സനൽ കുറച്ചു കഴിഞ്ഞ് തിരിച്ചെത്തുകയായിരുന്നു. ഇതിനിടെയാണ് യുവതി കുളിമുറിയിൽ സംശയകരമായി പേന കണ്ടത്. തന്‍റെ പേനയാണിതെന്നും അബദ്ധത്തിൽ മറന്നു വച്ചതാണെന്നും സനൽ പറഞ്ഞതോടെ യുവതിയ്ക്ക് സംശയം തോന്നി.
സനൽ പേന തിരികെ വാങ്ങാൻ ശ്രമിച്ചെങ്കിലും പേനയിൽ നീല ബട്ടൺ തെളിഞ്ഞത് ശ്രദ്ധയിൽപെട്ട യുവതി ഇത് തിരികെ കൊടുത്തില്ല. പേന പരിശോധിച്ചപ്പോഴാണ് ഒളിക്യാമറയും മെമ്മറി കാർഡും ശ്രദ്ധയിൽപ്പെട്ടത്. മെമ്മറി കാർഡ് പരിശോധിച്ചപ്പോൾ സനൽ ക്യാമറ ഒളിപ്പിക്കുന്ന ദൃശ്യവും പെൺകുട്ടിയുടെ സ്വകാര്യ ദൃശ്യങ്ങളും പതിഞ്ഞതായി കണ്ടെത്തി. ഇതോടെ പോലീസിൽ പരാതി നൽകുകയായിരുന്നു.
No comments:
Post a Comment