ഷാൾ ചക്രത്തിൽ കുടുങ്ങിയതിനെ തുടർന്ന് ബൈക്കിൽ നിന്നും വീണ വീട്ടമ്മ മരിച്ചു.

ചാലക്കുടി: നോർത്ത് ചാലക്കുടിയിൽ ഷാൾ ചക്രത്തിൽ കുടുങ്ങിയതിനെ തുടർന്ന് ബൈക്കിൽ നിന്നും വീണ വീട്ടമ്മ മരിച്ചു. മേലൂർ - കുവ്വക്കാട്ടുകുന്ന് പുല്ലോക്കാരൻ സത്യന്റെ ഭാര്യ രേഖ (46) യാണ്  മരിച്ചത്. 

ഞായറാഴ്ച രാത്രി പത്തരയ്ക്കായിരുന്നു അപകടം. തലവേദനയെ തുടർന്ന് ചാലക്കുടി സെന്റ് ജെയിംസ് ആശുപത്രിയിൽ എത്തിയതാണ് രേഖ. തിരിച്ച് സഹോദരൻ രഞ്ജിത്തിനോടടൊപ്പം ബൈക്കിൽ വീട്ടിലേയ്ക്ക് പോകുമ്പോഴായിരുന്നു അപകടം. തലയ്ക്ക് ഗുരുതരമായി പരുക്കേറ്റ് സെന്റ് ജെയിംസ് ആശുപത്രിയിൽ എത്തിച്ചെങ്കിലും പിന്നീട് മരണം സംഭവിച്ചു.