പത്തനംതിട്ട: പത്തനംതിട്ടയില്‍ സ്വകാര്യ ബസ് റോഡില്‍ നിന്ന് തെന്നിമാറി താഴ്ചയിലേക്ക് മറിഞ്ഞു. അപകടത്തില്‍ നാല് പേര്‍ക്ക് പരിക്കേറ്റു. ആങ്ങമൂഴി-പത്തനാപുരം റൂട്ടില്‍ സര്‍വീസ് നടത്തുന്ന സുല്‍ത്താന്‍ എന്ന സ്വകാര്യ ബസാണ് താഴ്ചയിലേക്ക് മറിഞ്ഞത്. വൈകിട്ട് മൂന്നരയോട് കൂടി ചിറ്റാറില്‍ വെച്ചാണ് അപകടമുണ്ടായത്. ഇതില്‍ ഒരാള്‍ ബസില്‍ നിന്ന് സമീപത്തെ തോട്ടിലേക്ക് തെറിച്ചു വീണതായി നാട്ടുകാര്‍ പറഞ്ഞു.
അപകടത്തില്‍ പരിക്കേറ്റ നാലുപേരെയും വിവിധ ആശുപത്രികളില്‍ പ്രവേശിപ്പിച്ചു. ഇറക്കമിറങ്ങുമ്പോള്‍ നിയന്ത്രണം നഷ്ടപ്പെട്ട ബസ് താഴ്ചയിലേക്ക് മറിഞ്ഞ് തലകീഴായി നില്‍ക്കുകയായിരുന്നു. പ്രദേശത്ത് കനത്ത മഴ തുടരുന്നുണ്ട്. ഇതേ തുടര്‍ന്നാണ് നിയന്ത്രണം നഷ്ടമായതെന്നാണ് പ്രാഥമിക നിഗമനം.
No comments:
Post a Comment