തിരുവനന്തപുരം: നരുവാമ്മൂട് സ്വദേശിയായ യുവാവിനെ കാണാതായതായി പരാതി. ശനിയാഴ്ച വൈകുന്നേരം മുതലാണ് കിരണ്‍ എന്ന യുവാവിനെ കാണാതായത്. പെണ്‍സുഹൃത്തിനെ കാണാനായി കിരണ്‍ ശനിയാഴ്ച ആഴിമലയില്‍ പോയിരുന്നതായും അതിനുശേഷമാണ് കാണാതായതെന്നും സുഹൃത്തുക്കളും ബന്ധുക്കളും പറയുന്നു.
യുവാവ് കടലില്‍ ചാടിയതായി സംശയമുണ്ടായതിനെ തുടര്‍ന്ന് വിഴിഞ്ഞം പോലീസിന്റെ നിര്‍ദേശത്തെ തുടര്‍ന്ന് കോസ്റ്റല്‍ പോലീസ് തിരച്ചില്‍ നടത്തിയിരുന്നു. പക്ഷെ കണ്ടെത്താന്‍ സാധിച്ചില്ല. ഞായറാഴ്ച രാവിലെ വീണ്ടും നടത്തിയ തിരച്ചിലില്‍ തീരത്തുനിന്ന് കണ്ടെത്തിയ ചെരിപ്പ് കിരണിന്റേതാണെന്ന് ബന്ധുക്കള്‍ തിരിച്ചറിഞ്ഞു.
പെണ്‍സുഹൃത്തിനെ കാണാനെത്തിയ കിരണിന്റെ തിരോധാനത്തില്‍ ദുരൂഹതയുണ്ടെന്ന്ബന്ധുക്കള്‍ ആരോപിച്ചു. പെണ്‍സുഹൃത്തിന്റെ ബന്ധുക്കളുമായി തര്‍ക്കമുണ്ടായതിനെ തുടര്‍ന്ന് കിരണിനെ തട്ടിക്കൊണ്ടുപോയതാണെന്നാണ് ബന്ധുക്കളുടെ ആരോപണം. തട്ടിക്കൊണ്ടു പോകുന്നതിനിടെ കിരണ്‍ രക്ഷപ്പെടാന്‍ ഓടുന്നതിനിടെ കടലില്‍ ചാടിയെന്നാണ് ബന്ധുക്കള്‍ പറയുന്നത്. സംഭവത്തില്‍ വിഴിഞ്ഞം പോലീസ് വിശദമായ അന്വേഷണം നടത്തുകയാണ്. കോസ്റ്റല്‍ പോലീസ് കടലില്‍ തിരച്ചില്‍ തുടരുന്നു
No comments:
Post a Comment