കൊല്ലം ;സ്ഥിരമായി ഇരുചക്ര വാഹനം മോഷണം നടത്തുന്ന മോഷ്ടാക്കളെ കൊല്ലം ഈസ്റ്റ് പോലീസ് പിടികൂടി. തൃക്കരുവ തെക്കേചേരി പഴഞ്ഞിമേലതിൽ വീട്ടിൽ നിന്നും കൊറ്റംകര വില്ലേജിൽ മാമ്പുഴ ചേരിയിൽ പഴഞ്ഞിമേലതിൽ വീട്ടിൽ താമസിക്കുന്ന ബൈജു മകൻ കൈലാസ്(22), തൃക്കോവിൽവട്ടം വില്ലേജിൽ, ചെറിയേല, മഠത്തിവിള വീട്ടിൽ, സുനിൽ മകൻ അഭിഷേക്(20) എന്നിവരാണ് പോലീസ് പിടിയിലായത്.
27.05.2022 രാവിലെ കൊല്ലം റെയിൽവേ സ്റ്റേഷന് മുൻവശം പാർക്ക് ചെയ്തിരുന്ന മോട്ടോർ സൈക്കിൾ മോഷണം പോയതിനെ തുടർന്ന് വാഹന ഉടമ നൽകിയ പരാതിയെ തുടർന്ന് റെയിൽവേ സ്റ്റേഷനും പരിസരവും കേന്ദ്രീകരിച്ച് നടത്തിയ നിരീക്ഷണത്തിൽ സംശയാസ്പദമായ സാഹചര്യത്തിൽ കണ്ട ഇവരുടെ കൂട്ടാളിയായ ചുടലമുത്തുവിനെ ചോദ്യം ചെയ്യ്തതിൽ നിന്നുമാണ് മോഷണത്തിന്റെ ചുരുൾ അഴിഞ്ഞത്.
കൊല്ലം നഗരത്തിൽ വിവിധ ഇടങ്ങളിൽ കറങ്ങി നടന്ന് മോട്ടോർ സൈക്കിളുകളും മറ്റും മോഷണം നടത്തുകയും ഇത്തരത്തിൽ മോഷ്ടിച്ചെടുക്കുന്നവ ആക്രികടയിൽ എത്തിച്ച് പൊളിച്ച് വിൽക്കുന്നതാണ് ഈ സംഘത്തിന്റെ രീതി. തുടർന്ന് വാഹനം പൊളിച്ച് വിൽപ്പന നടത്തിയ രണ്ട് ആക്രികട ഉടമകൾ ഉൾപ്പെടെ മൂന്ന് പ്രതികൾ അറസ്റ്റിലായിരുന്നു.
കൊല്ലം എസിപി ജി.ഡി വിജയകുമാറിന്റെ മേൽനോട്ടത്തിൽ കൊല്ലം ഈസ്റ്റ് എസ്എച്ച്ഒ ആർ രതീഷിന്റെ നേതൃത്വത്തിൽഎസ്‌ഐ-മാരായ വൈ അഷറഫ്, ജെയിംസ്, സി.പി.ഒ സുനിൽ എന്നിവർ ഉൾപ്പെട്ട സംഘമാണ് പ്രതിയെ അറസ്റ്റ് ചെയ്്തത്. ഇവരെ കോടതിയിൽ ഹാജരാക്കി റിമാന്റ്‌ ചെയ്തു.
No comments:
Post a Comment