അപകടകരമായി ഓട്ടോറിക്ഷ ഓടിച്ചത് തടഞ്ഞ യുവാവിനെ മാരകായുധം ഉപയോഗിച്ച് ആക്രമിച്ച രണ്ട് പ്രതികൾ പോലീസ് പിടിയിൽ. പരവൂർ കുറുമണ്ടൽ വെളിക്കേട് തൊടിയിൽ ഷാജഹാൻ മകൻ ഷംനാദ് (20), പരവൂർ കലക്കോട് ജിസസ് ഭവനിൽ വിൻസന്റ് മകൻ റോണി(20) എന്നിവരാണ് പരവൂർ പോലീസിന്റെ പിടിയിലായത്.
10.07.2022 ന് രാത്രിയിൽ കലക്കോട് പാറവിള ഗ്രൗണ്ടിന് സമീപമുള്ള റോഡിലൂടെ ഷംനാദും റോണിയും ഓട്ടോറിക്ഷ അമിതവേഗതയിൽ അപകടകരമായി ഓടിക്കുന്നത് സമീപവാസിയായ പാറവിള തെക്കതിൽ സലീമിന്റെ മകൻ ആൻസിൽ ചോദ്യം ചെയ്തിരുന്നു. ഈ വിരോധത്താൽ പ്രതികൾ മടങ്ങി പോവുകയും വീട്ടിൽ സൂക്ഷിച്ചിരുന്ന തടിവെട്ടാൻ ഉപയോഗിക്കുന്ന കത്താളുമായി തിരിച്ചെത്തി യുവാവിനെ അക്രമിക്കുകയായിരുന്നു. അക്രമണത്തിൽ ഇടത് കൈക്ക് ഗുരുതരമായി പരികേറ്റ ആൻസിൽ ചികിൽസയിലാണ്.
ആൻസിലിന്റെ പരാതിയിൽ പരവൂർ പോലീസ് കേസ് രജിസ്റ്റർ ചെയ്യുകയും ഒളിവിൽ പോയ പ്രതികളെ പിടികൂടുകയായിരുന്നു. പ്രതികൾ ഇരുവരും മുൻകാലങ്ങളിലും വിവിധ കേസുകളിൽ ജയിൽ ശിക്ഷ അനുഭവിച്ചിട്ടുണ്ട്. റോണി ഗഞ്ചാവ് കേസിലും ഷംനാദ് അക്രമണ കേസിലും പ്രതിയാണ്. ചാത്തന്നൂർ എ.സി.പി ഗോപകുമാർ.ബി യുടെ നേതൃത്വത്തിൽ പരവൂർ സബ് ഇൻസ്പക്ടർ നിഥിൻ നളൻ എ.എസ്.ഐ രമേശൻ എസ്.സിപിഒ മാരായ പ്രേംലാൽ, സന്തോഷ് എന്നിവരടങ്ങിയ സംഘമാണ് പ്രതികളെ പിടികൂടിയത്. കോടതിയിൽ ഹാജരാക്കിയ ഇവരെ റിമാന്റ് ചെയ്തു.
No comments:
Post a Comment