വീട്ടിൽ അതിക്രമിച്ച് കയറി വെട്ടിക്കൊലപ്പെടുത്താൻ ശ്രമിച്ച, നിരവധി ക്രിമിനൽ കേസുകളിൽ പ്രതിയായ കൊടുംകുറ്റവാളിയെ ഇരവിപുരം പോലീസ് അറസ്റ്റ് ചെയ്യ്തു.പുന്തലത്താഴം, പെരുംകുളം നഗർ, നാഥന്റഴികത്ത് വീട്ടിൽ അഷ്ടപാലൻ മകൻ ആദർശ്(28) ആണ് ഇരവിപുരം പോലീസിന്റെ പിടിയിൽ ആയത്.
കഴിഞ്ഞ 07.06.2022 വെളുപ്പിന് 2 മണിക്ക് പ്രതിയും സംഘവും മുൻ വൈരാഗ്യത്താൽ അയത്തിൽ ശിൽപാനഗർ 111 വീട്ടിൽ അതിക്രമിച്ച് കയറി ഗൃഹനാഥനായ ഉദയനെ കയ്യിൽ കരുതിയിരുന്ന വടിവാൾ ഉപയോഗിച്ച് തോളിലും ,മുതുകിനും, തലയിലും അതി ക്രൂരമായി വെട്ടി കൊലപ്പെടുത്താൻ ശ്രമിക്കുകയായിരുന്നു. ഇത് കണ്ട് തടസ്സം പിടിക്കാൻ ചെന്ന മകൻ സുധിയെ തലക്ക് വെട്ടിയും ഭാര്യ സിബിയെ ശാരീരികമായി ഉപദ്രവിച്ചും മാരകമായി പരിക്കേൽപ്പിക്കുകയായിരുന്നു.
പിടിയിലായ പ്രതി ഇതിനു മുമ്പും നിരവധി ക്രിമിനൽ കേസുകളിൽ പ്രതിയായിട്ടുള്ളതും രണ്ട് തവണ കാപ്പാ നിയമ പ്രകാരം കരുതൽ തടങ്കലിൽ കഴിഞ്ഞിട്ടുള്ളതുമാണ്.
കൊല്ലം സിറ്റി പോലീസ് കമ്മീഷണർ നാരായണൻ റ്റി ഐപിഎസ് ന്റെ നിർദ്ദേശപ്രകാരം കൊല്ലം എ.സി.പി ജി ഡി വിജയകുമാർ ഇരവിപുരം പോലീസ് സ്റ്റേഷൻ ഇൻസ്പക്ടർ വി വി അനിൽകുമാർ എന്നിവരുടെ നേതൃത്വത്തിൽ എസ്.ഐമാരായ അരുൺഷാ, ജയേഷ്, എഎസ്‌ഐ ഷാജി, സിപിഓ മാരായ അനീഷ്, അഫിലാഷ്, രാജേഷ്, അജി, ചിത്രൻ എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാന്റ് ചെയ്യ്തു.
No comments:
Post a Comment