കാട്ടാക്കട: സ്കൂട്ടറിലെത്തിയ സംഘം റോഡിലൂടെ നടന്നു പോവുകയായിരുന്ന വീട്ടമ്മയുടെ മാല പിടിച്ച് പറിച്ചു. ബുധൻ വൈകിട്ട് നാലോടെ കാട്ടാക്കട മാർക്കറ്റിൽ പച്ചക്കറി വ്യാപാരം നടത്തുന്ന വീട്ടമ്മയുടെ പണമടങ്ങിയ പഴ്സ് മാർക്കറ്റിൽ നിന്നു കള്ളൻ കൊണ്ടുപോയി. പ്ലാവൂർ സ്വദേശിനി സുധ യുടെ രണ്ടര പവൻ മാലയാണ് പ്ലാവൂർ ചാനൽകര മേലതിൽ നടയിൽ തട്ടിയെടുത്തത്. ഭർതൃമാതാവിനെ കണ്ട് വീട്ടിലേക്ക് മടങ്ങവേ രണ്ട് ചെറുപ്പക്കാർ സമീപമെത്തി മാല പിടിച്ച് പറിച്ച് സ്കൂട്ടറിൽ കയറി കടന്നു.സിസിടിവി ക്യാമറകൾ പൊലീസ് പരിശോധിക്കുന്നു.
കാട്ടാക്കട മാർക്കറ്റിൽ പച്ചക്കറി വ്യാപാരം നടത്തുന്ന പന്നിയോട് സ്വദേശിനി സരോജിനി യുടെ പഴ്സ് ബുധനാഴ്ച നാല് മണിയോടെയാണ് കള്ളൻ കവർന്നത്. 17,500 രൂപയും താക്കോൽ കൂട്ടവും പഴ്സിലുണ്ടായിരുന്നു. രണ്ട് ആഴ്ച മുൻപാണ് മുതിയാവിള കളിയാകോട് തോക്ക് ചൂണ്ടി ബധിരയും മൂകയുമായ വയോധികയുടെ കമ്മൽ കവർന്നത്. ഈ കേസിലും ഒരു തുമ്പും ഇതുവരെ കണ്ടെത്താനായില്ല.
No comments:
Post a Comment