പോത്തൻകോട്ട് ടിപ്പർ ലോറി ഇടിച്ച് സ്കൂട്ടർ യാത്രക്കാരി മരിച്ചു

പോത്തൻകോട് : പോത്തൻകോട്ട് ടിപ്പർ ലോറി ഇടിച്ച് സ്കൂട്ടറിൽ സഞ്ചരിച്ച വീട്ടമ്മ മരിച്ചു.തെറ്റിച്ചിറ തടത്തരികത്ത് വീട്ടിൽ ആർ . ഷെർളി ( 55 ) ആണ് മരിച്ചത്. പോത്തൻകോട് ഇന്ത്യൻ ഓയിൽ പെട്രോൾ പമ്പിന് സമീപം ഇന്ന് ഉച്ചയ്ക്ക് 12:50ഓടെയാണ് അപകടം നടന്നത്. 

കാട്ടായിക്കോണത്ത് നിന്നും പോത്തൻകോട്ടേയ്ക്ക് സ്കൂട്ടറിൽ വരികയായിരുന്ന ഷെർളിയേയും ഭർത്താവ് വിജയകുമാറിനെയും അതേ ദിശയിൽ അമിത വേഗതയിൽ വന്ന ടിപ്പർ ലോറി ഇടിച്ചിടുകയായിരുന്നുവെന്ന് നാട്ടുകാർ പറയുന്നു. ഇടിയുടെ ആഘാതത്തിൽ റോഡിൽ തെറിച്ചു വീണ ഷെർളിയേയും സ്കൂട്ടറിനേയും ലോറി മുന്നോട്ട് വലിച്ചിഴച്ചുകൊണ്ടുപോയി. അപകടത്തിൽ ഗുരുതരമായി പരിക്കേറ്റ ഷെർളിയെ മെഡിക്കൽകോളേജ് ആശുപത്രിയിലെത്തിച്ചെങ്കിലും മരണപ്പെട്ടു. പരിക്കേറ്റ വിജയകുമാർ ആശുപത്രിയിൽ ചികിത്സ തേടി