ആശുപത്രിക്ക് സമീപം പാർക്ക് ചെയ്തിരുന്ന വാഹനം മോഷ്ടിച്ചയാൾ കൊല്ലത്ത് പോലീസ് പിടിയിൽ

കൊല്ലം വിക്‌ടോറിയ ആശുപത്രിക്ക് സമീപം പാർക്ക് ചെയ്തിരുന്ന വാഹനം മോഷ്ടിച്ചയാൾ കൊല്ലം ഈസ്റ്റ് പോലീസിന്റെ പിടിയിൽ. കല്ലുവാതുക്കൽ പഞ്ചായത്തിൽ വരിഞ്ഞം വില്ലേജ് ഓഫീസിന് സമീപം ശ്രീഭവനത്തിൽ മോഹൻ മകൻ ബിനു(27) ആണ് പിടിയിലായത്. 20.05.2022-ന് രാത്രിയിൽ കൊല്ലം വിക്‌ടോറിയ ആശുപത്രിക്ക് സമീപം പാർക്ക് ചെയ്തിരുന്ന ഹോണ്ട ഡിയോ വാഹനം മോഷ്ടിച്ച് കടന്നു കളയുകയായിരുന്നു. തുടർന്ന് സി.സി.ടി.വി ദൃശ്യങ്ങളുടെ സഹായത്തോടെ നടത്തിയ അന്വേഷണത്തിൽ പ്രതിയെ

തിരിച്ചറിഞ്ഞതിനെത്തുടർന്ന് പോളയത്തോട് മാർക്കറ്റിനടുത്ത് നിന്നുമാണ് പിടികൂടിയത്. കൊല്ലം എസിപി ജി.ഡി വിജയകുമാറിന്റെ മേൽനോട്ടത്തിൽ കൊല്ലം ഈസ്റ്റ് എസ്.എച്ച്.ഒ ആർ രതീഷിന്റെ നേതൃത്വത്തിൽ എസ്‌ഐ-മാരായ ബാലചന്ദ്രൻ , പ്രമോദ് കുമാർ എസ്.സി.പി.ഒ സജീവ്, സുനിൽ തോമസ് എന്നിവർ ഉൾപ്പെട്ട സംഘമാണ് പ്രതിയെ അറസ്റ്റ് ചെയ്്തത്. കോടതിയിൽ ഹാജരാക്കിയ ഇയാളെ റിമാഡ് ചെയ്തു.