തൊഴിൽരഹിതരായ യുവാക്കൾക്കു വേണ്ടി " അങ്ങനെ അങ്ങനെ അങ്ങനെ "....മ്യൂസിക്കൽ ആൽബം... കണ്ടു നോക്കൂ

ഇപ്പോൾ സോഷ്യൽ മീഡിയിൽ ശ്രദ്ധേയമായി കൊണ്ടിരിക്കുന്നത് ഒരു കൂട്ടം യുവകളക്ക് വേണ്ടിയുള്ള ഒരു മ്യൂസിക്കൽ ആൽബം ആണ്, തൊഴിൽ രഹിതരായ യുവാക്കൾ. അവരുടെ ജീവിതത്തിലെ സങ്കടങ്ങളും സന്തോഷവുമെല്ലാം ചേർത്തൊരുക്കിയ ഒരു ആൽബം. അവരുടെ ആശയത്തിലെ വ്യത്യസ്തത പോലെ തന്നെ ആൽബത്തിന്റെ പേരും വളരെ പുതുമയുള്ളതാണ്. " അങ്ങനെ അങ്ങനെ അങ്ങനെ ".

ബിരുദവിദ്യാർഥിയായ വയനാട് സ്വദേശി ഇസ്ബുല്ല സംഗീതം നൽകി ആലപിച്ചു. കേരള സംസ്ഥാന ഡോക്യുമെന്ററി-ഷോർട് ഫിലിം ഫെസ്റ്റിവലിൽ  ഈ വർഷത്തെ മികച്ച രണ്ടാമത്തെ ഡോക്യുമെന്ററിക്കുള്ള അവാർഡ് നേടിയ അമീൻ ബാരിഫ് ആണ് സംവിധായകൻ. 

അനുഗ്രഹീതൻ ആന്റണി, ജോ ആൻഡ് ജോ എന്നീ സിനിമകളിൽ അഭിനയിച്ചിട്ടുള്ള മെൽവിൻ ആണ് പാട്ടിൽ പ്രധാന വേഷത്തിലെത്തുന്നത്. നിർമാണം: റസാഖ് റഹ്മാൻ. നടി അനാർക്കലി മരക്കാർ തന്റെ യുട്യൂബ് ചാനലിലൂടെയാണ് ആൽബം പുറത്തിറക്കിയത്. നടൻ ടൊവിനോ തോമസ് ഉൾപ്പെടെയുള്ളവർ സമൂഹമാധ്യമങ്ങളിൽ പാട്ട് പങ്കുവച്ചിട്ടുണ്ട്.