തൃശൂര്‍: ചേര്‍പ്പ് മുത്തുള്ളിയാലില്‍ സഹോദരനെ ജീവനോടെ കുഴിച്ചുമൂടി കൊലപ്പെടുത്തിയ കേസില്‍ മാതാവിനേയും അറസ്റ്റ്‌ചെയ്തു. ചേര്‍പ്പ് മുത്തുള്ളിയാല്‍ തോപ്പ് കൊട്ടെക്കാട് പറമ്പില്‍ പരേതനായ ജോയിയുടെ ഭാര്യ പത്മാവതി (54) യെയാണ് ചേര്‍പ്പ് പോലീസ് അറസ്റ്റ് ചെയ്തത്. കഴിഞ്ഞ മാസം 16 നാണ് കുടുംബ വഴക്കിനെ തുടര്‍ന്ന് കൊട്ടെക്കാട് പറമ്പില്‍ പരേതനായ ജോയിയുടെ മകന്‍ സാബു സഹോദരനായ ബാബുവിനെ കൊലപ്പെടുത്തിയത്.
ഒന്നാം പ്രതിയായ സാബുവിനേയും മൃതദേഹം മറവു ചെയുന്നതിന്നായി സഹായിച്ച മുത്തുള്ളിയാല്‍ കളിച്ചത്ത് വീട്ടില്‍ സുനില്‍ (35) നേയും ചേര്‍പ്പ് പോലീസ് ഇന്‍സ്‌പെക്ടര്‍ ടി.വി. ഷിബു കഴിഞ്ഞ ദിവസങ്ങളിലായി അറസ്റ്റ് ചെയ്തിരുന്നു. ഇതോടെ കേസില്‍ മൂന്നുപേര്‍ അറസ്റ്റിലായി. ബാബുവിനെ ജീവനോടെ കുഴിച്ചുമൂടാന്‍ ഒന്നാംപ്രതിയും മകനുമായ സാബുവിനെ സഹായിച്ചതിനാണ് അമ്മ പത്മാവതിയേയും അറസ്റ്റ് ചെയ്തത്.
No comments:
Post a Comment