മോഷണ ശ്രമത്തിനിടയിൽ നിരീക്ഷണ ക്യാമറ മോഷ്ടിച്ചയാൾ പരവൂർ പോലീസിന്റെ പിടിയിലായി. പരവൂർ കോട്ടപ്പുറം വാഴവിള വീട്ടിൽ വിജയൻ മകൻ വൈശാഖ് എസ്.വിജയൻ (24) ആണ് പരവൂർ പോലീസിന്റെ പിടിയിലായത്.
പരവൂർ കൂനയിൽ ശിവപ്രഭയിൽ ഷാജിയുടെ വീട്ടിലെ മോഷണ ശ്രമത്തിനിടയിലാണ് ഇയാൾ നിരീക്ഷണ ക്യാമറ കവർന്നത്. വീട്ടിൽ സ്ത്രീകൾ മാത്രമേയുള്ളൂ എന്ന് മനസ്സിലാക്കി മോഷണത്തിനായി എത്തിയ പ്രതി തന്റെ മോഷണ ദൃശ്യങ്ങൾ ക്യാമറയിൽ പതിഞ്ഞു എന്ന് മനസിലാക്കിയാണ് വീട്ടിലെ നിരീക്ഷണ ക്യാമറ കവർന്നത്. വീട്ടുടമയുടെ പരാതിയിൽ പരവൂർ പോലീസ് സ്റ്റേഷനിൽ കേസ് രജിസ്റ്റർ ചെയ്ത് നടത്തിയ അന്വേഷമണത്തിൽ പ്രതിയെക്കുറിച്ച് വിവരം ലഭിക്കുകയും അറസ്റ്റ്‌ചെയ്യുകയുമായിരുന്നു.
ചാത്തന്നൂർ എ.സി.പി ജി.ഗോപകുമാറിന്റെ നിർദേശാനുസരണം പരവൂർ പോലീസ് സ്റ്റേഷൻ ഇൻസ്‌പെക്ടർ നിസാർ എ യുടെ നേതൃത്വത്തിൽ എസ്.ഐ-മാരായ നിധിൻ നളൻ എ.എസ്.ഐ രമേഷ്, എസ്.സി.പി.ഒ അജയൻ എന്നിവർ അടങ്ങിയ സംഘമാണ് പ്രതിയെ പിടികൂടിയത്. കോടതിയിൽ ഹാജരാക്കിയ ഇയാളെ റിമാന്റ് ചെയ്തു.
No comments:
Post a Comment