ഓവർ ടേക്കിംഗിനെ ചൊല്ലി തർക്കം: കൊല്ലത്ത് നടുറോഡിൽ കൂട്ടത്തല്ല്.

കൊല്ലത്ത് നടുറോഡിൽ കൂട്ടത്തല്ല്. ഓവർ ടേക്കിംഗിനെ ചൊല്ലിയുള്ള തർക്കമാണ് കൂട്ടത്തല്ല് കലാശിച്ചത്. കൂട്ടത്തല്ലില്‍ പൊലീസ് ഉദ്യോഗസ്ഥനും കുടുംബത്തിനും പരുക്കേറ്റു. 

പുത്തൂരിൽ ഇന്ന് രാവിലെ ഒമ്പത് മണിയോടെയായിരുന്നു സംഭവം. കുണ്ടറ സ്റ്റേഷനിലെ സ്പെഷ്യൽ ബ്രാഞ്ച് എസ് ഐ സുഗുണനും കുടുംബത്തിനുമാണ് മർദ്ദനമേറ്റത്. സുഗുണന്റെ ഭാര്യ പ്രിയ, മകൻ അമൽ എന്നിവർക്കും പരുക്കേറ്റു. അമലിനെ ഹെൽമറ്റ് കൊണ്ട് തലയ്ക്കടിച്ചു. പരിക്കേറ്റ അമല്‍ ചികിത്സയിലാണ്. സംഭവത്തില്‍ പുത്തൂർ സ്വദേശികളായ രണ്ട് യുവാക്കളെ പൊലീസ് കസ്റ്റഡിയിലെടുത്തു.