മാരക ലഹരിമരുന്നായ എംഡിഎംഎയുമായി സിനിമ പ്രവർത്തകൻ കൊല്ലത്ത് എക്സൈസിന്റെ പിടിയിലായി. കൊല്ലം എക്സൈസ് നർക്കോട്ടിക് സ്പെഷൽ സ്‌ക്വാഡ് ഓപ്പറേഷൻ സ്റ്റഫിന്റെ ഭാഗമായി നടത്തിയ റെയ്ഡിലാണ് അറസ്റ്റ്. കൊല്ലം മുഖത്തല പേരയം വയലിൽ പുത്തൻവീട്ടിൽ നഷീബാണ് അറസ്റ്റിലായത് .
ഒരുകിലോ 200 ഗ്രാം എംഡിഎംഎയും 20 ഗ്രാം കഞ്ചാവും യുവാവിൽ നിന്ന് കണ്ടെടുത്തു. ലഹരിമരുന്ന് കടത്താൻ ഉപയോഗിച്ച ബൈക്കും എക്സൈസ് പിടികൂടി.സിനിമകളിലും ഹ്രസ്വ ചലച്ചിത്രങ്ങളിലും ചെറിയ വേഷങ്ങളിൽ നഷീബ് അഭിനയിച്ചിട്ടുണ്ടെന്ന്
എക്സൈസ് ഉദ്യോഗസ്ഥർ അറിയിച്ചു. ചലച്ചിത്ര രംഗത്തുള്ള ബന്ധങ്ങളിൽ നിന്നാണ് നഷീബ് ലഹരി ഉപയോഗിക്കാൻ തുടങ്ങിയത്. കൊച്ചിയിലെ ലഹരി മാഫിയകളിൽ നിന്നാണ് എംഡിഎംഎ വാങ്ങിയതെന്ന് ചോദ്യം ചെയ്യലിൽ പ്രതി സമ്മതിച്ചതായി ഉദ്യോഗസ്ഥർ പറഞ്ഞു. കൊല്ലത്തുള്ള വിദ്യാർഥികൾക്കും യുവാക്കൾക്കും ചെറിയ പൊതികളാക്കി 2000 രൂപയ്ക്കാണ് വിൽപ്പന പ്രത്രി നടത്തിയിരുന്നത്. കേസിൽ അന്വേഷണം തുടരും.
No comments:
Post a Comment