ഇഷ്ട താരങ്ങളുടെ സിനിമ പ്രഖ്യാപിക്കുമ്പോൾ മുതൽ ആവേശത്തോടെ കാത്തിരുന്ന് പോസ്റ്ററൊട്ടിക്കാനും ഫ്ലക്സടിക്കാനും താരത്തിന്റെ പേരിൽ സന്നദ്ധ പ്രവർത്തനങ്ങൾ വരെ നടത്തുന്ന കൂട്ടരാണ് ആരാധകർ. അതിൽ പ്രായഭേദമില്ല. അങ്ങനെയുള്ള ആരാധകരുടെ സ്നേഹം മഹാഭാഗ്യമാണെന്ന് ഏറെ സന്തോഷത്തോടെ പറയുകയാണ് മമ്മൂട്ടി. സിനിമ കാണുകയും ആർത്തലയ്ക്കുകയും ചെയ്യുന്നവരെ തനിക്ക് അറിയില്ലെങ്കിലും അവർക്കായി ഒന്നും ചെയ്തിട്ടില്ലെങ്കിലും ആ സ്നേഹത്തിന് മാറ്റമുണ്ടാകുന്നില്ലെന്നും അത് മഹാഭാഗ്യമാണെന്നും താരം പറയുന്നു. ഭീഷ്മപര്‍വം വന്‍ ഹിറ്റിലേക്ക് കുതിക്കുമ്പോഴാണ് മമ്മൂട്ടിയുടെ പരാമര്‍ശം.
മമ്മൂട്ടിയുടെ വാക്കുകളിങ്ങനെ..'അതിപ്പോ ഞാൻ ഇന്ന് ഇങ്ങോട്ട് വന്നപ്പോൾ ആലോചിച്ചതാണ്. പരസ്യമായി പറയേണ്ട കാര്യമല്ല. ഈ സിനിമ കാണുകയും ആർത്തലയ്ക്കുകയും ഉല്ലസിക്കുകയും ചെടി എറിയുകയും ബഹളമുണ്ടാക്കുകയും ഒക്കെ ചെയ്യുന്ന ആളുകളെയൊന്നും എനിക്കറിയില്ല. ഞാനൊന്നും ഒരുപകാരവും അവർക്ക് ചെയ്തിട്ടില്ല. മഹാഭാഗ്യമാണ് അങ്ങനെയുള്ളവരുടെ സ്നേഹം കിട്ടുന്നത്'. നിറഞ്ഞ കയ്യടിയോടെയാണ് മമ്മൂട്ടിയുടെ വാക്കുകളെ സദസ് ഏറ്റെടുത്തത്. ഫാൻസിന് ഇതിൽ കൂടുതൽ എന്ത് വേണമെന്ന അടിക്കുറിപ്പോടെ മമ്മൂട്ടി സംസാരിക്കുന്നതിന്റെ വിഡിയോ സമൂഹ മാധ്യമങ്ങളിൽ വൈറലാണ്. വിഡിയോ കാണാം:
No comments:
Post a Comment