പോത്ത് വ്യാപാരത്തിനെത്തിയ ആളെ കൊലപ്പെടുത്താന്‍ ശ്രമിച്ച യുവാവിനെ പോലീസ് അറസ്റ്റ് ചെയ്തു. പോരൂക്കര ഉപ്പ്കുന്നേല്‍ അബ്ദുല്‍ റഹീം മകന്‍ ഷെഫീക്ക് (34) ആണ് ചവറ പോലീസിന്റെ പിടിയിൽ ആയത്. ഇയാള്‍ ഒരു വാളുമായി 27/03/2022 വൈകുന്നേരം പോരൂക്കര ഭാഗത്ത് വാള്‍ വീശി പൊതുജനങ്ങളെയും സ്ഥലവാസികളേയും ഭയപ്പെടുത്തി ഭീകരാന്തരീഷം സൃഷ്ടിച്ചു. ഇതറിയാതെ സമീപത്തേ വീട്ടില്‍ വ്യാപാരത്തിനായി കല്ലേലിഭാഗം സ്വദേശിയായ സലിം വന്നത് കണ്ട് ഇയാള്‍ ആക്രമിക്കുകയായിരുന്നു.
വാള്‍ കഴുത്തിന് വച്ച് ഏറെ നേരം ഭയപ്പെടുത്തിയ ഇയാള്‍ സലീമിനെ വെട്ടി കൊലപ്പെടുത്താന്‍ ശ്രമിച്ചു. നാട്ടുകാര്‍ അറിയിച്ചതനുസരിച്ച് സ്ഥലത്തെത്തിയ പോലീസ് സംഘം പരിക്കേറ്റ സലീമിനെ രക്ഷപെടുത്തുകയും ഷെഫീക്കിനെ സാഹസികമായി പിടികൂടുകയും ചെയ്തു.
ചവറ ഇന്‍സ്പെക്ടര്‍ എ.നിസാമുദ്ദീന്‍റെ നേതൃത്വത്തില്‍ എസ്. ഐമാരായ ജിബി, ജോബ് അനില്‍, അജയന്‍ എസ്.സി.പി.ഒ തമ്പി, സി.പി.ഒ മാരായ ഷെഫീക്ക്, രതീഷ് എന്നവരടങ്ങിയ സംഘമാണ് ഇയാളെ പിടികൂടിയത്. ഇയാളെ റിമാന്‍റ് ചെയ്തു.
No comments:
Post a Comment