ദേശീയ പാതയിൽ കല്ലമ്പലം പോലീസ് സ്റ്റേഷന് മുന്നിൽ ടാങ്കർ ലോറി ബൈക്കിൽ ഇടിച്ച് യുവാവ് മരിച്ചു. കല്ലമ്പലം രാജകുമാരിയിലെ ജീവനക്കാരനായിരുന്ന കവലയൂർ എൻ. എസ് ലാൻഡിൽ നാസറിന്റെ മകൻ അബിൻ നാസർ(22) ആണ് മരിച്ചത്. ഇന്നലെ രാത്രി 10 മണിയോടെയാണ് അപകടം.
ജോലി കഴിഞ്ഞു വീട്ടിലേക്ക് ബൈക്കിൽ മടങ്ങുകയായിരുന്നു അബിൻ. കല്ലമ്പലം പോലീസ് സ്റ്റേഷന് മുന്നിൽ ദേശീയ പാതയിൽ ആറ്റിങ്ങൽ ഭാഗത്ത് നിന്ന് വന്ന ഗ്യാസ് ടാങ്കർ ലോറി ബൈക്കിൽ ഇടിച്ചാണ് അപകടം ഉണ്ടായത്. അപകടത്തിൽ ഗുരുതര പരിക്കേറ്റ അബിനെ പാരിപ്പള്ളി മെഡിക്കൽ കോളേജ് ആശുപത്രിയിൽ എത്തിച്ചെങ്കിലും മരണപ്പെട്ടു. കല്ലമ്പലം പോലീസ് തുടർ നടപടികൾ സ്വീകരിച്ചു.
No comments:
Post a Comment