കല്ലറ ∙ വൈക്കോൽ ലോറിയിൽ വൈദ്യുതി കമ്പിയിൽ നിന്നും തീ പിടിച്ചു. നാട്ടുകാരുടെ ഇടപെടലിൽ വലിയ അപകടം ഒഴിവായി. ഇന്നലെ പാങ്ങോട് പഴവിള കെവിയുപിഎസിനു മുൻവശത്താണ് അപകടം. ലോറിയേക്കാളും ഉയരത്തിൽ വയ്ക്കോൽ കയറ്റിയിരുന്നതിനാൽ വൈദ്യുത കമ്പികളിൽ തട്ടി ഉരസി തീ പിടിക്കുകയായിരുന്നു.
എന്നാൽ ഡ്രൈവർ ഇതറിഞ്ഞില്ല. ലോറിയുടെ പിന്നാലെ വന്ന ബൈക്ക് യാത്രികരാണ് ലോറിയിലെ വൈക്കോലിൽ തീ പടർന്നത് കണ്ടത്. തുടർന്ന് ബഹളമുണ്ടാക്കി ലോറി നിർത്തിച്ചു. ഇതേ സമയം പാങ്ങോട് പ‍ഞ്ചായത്തിന്റെ ആവശ്യത്തിലേക്കു വെള്ളവുമായി അതുവഴി വന്ന വാഹനത്തിലെ വെള്ളം ഉപയോഗിച്ച് നാട്ടുകാർ തീ നിയന്ത്രിച്ചു.
No comments:
Post a Comment