ചെങ്ങന്നൂർ : തലച്ചുറ്റലുണ്ടായിപാലത്തിൽ. നിന്നും പാമ്പാ നദിയിലേക്ക് വീണ വൃദ്ധനെ അഗ്നിരക്ഷാസേന രക്ഷപ്പെടുത്തി. കല്ലിശ്ശേരി തങ്കൻ പറമ്പിൽ തങ്കച്ചൻ ആണ് അപകടത്തിൽ പെട്ടത്. മെഡിക്കൽ സ്റ്റോറിൽ നിന്നും മരുന്ന് വാങ്ങി വീട്ടിലേക്ക് പോകുന്ന വഴിക്ക് കല്ലിശ്ശേരി പഴയ പാലത്തിലെത്തിയപ്പോൾ തലചുറ്റലുണ്ടായി. പാലത്തിന്റെ കൈവരിയിൽ പിടിച്ചു നിൽക്കാൻ ശ്രമിച്ചെങ്കിലും സാധിക്കാതെ നദിയിലേക്ക് വീഴുകയായിരുന്നു.
പാലത്തിന്റെ സ്പാനിന്റെ കേഡറിൽ പിടിച്ചു നിന്ന തങ്കച്ചനെ സമീപത്തുള്ളവർ വിവരമറിയിച്ചതിനെ തുടർന്ന് ചെങ്ങന്നൂർ അഗ്നിരക്ഷാ നിലയത്തിൽ നിന്നും സ്റ്റേഷൻ ഓഫീസർ സുനിൽ ജോസഫിന്റ നേതൃത്വത്തിൽ ഫയർ ആൻഡ് റെസ്ക്യൂ ഓഫീസർ സുബീഷ് ഹോം ഗാർഡ് പ്രതീപ് കുമാർ എന്നിവർ റോപ്പ് ഉപയോഗിച്ച് നദിയിലിറങ്ങി തങ്കച്ചനെ കരയിലെത്തിച്ചു. വിവരമറിഞ്ഞു എത്തിയ ബന്ധുക്കൾ അദ്ദേഹത്തെ ചെങ്ങന്നൂർ സ്വകാര്യ ആശുപത്രിയിലേക്ക് മാറ്റി.
No comments:
Post a Comment