കൊട്ടാരക്കര വാളകത്ത് കാറും ബൈക്കും കൂട്ടിയിടിച്ച് യുവാവ് മരിച്ചു

കൊല്ലം: കൊട്ടാരക്കര  വാളകത്ത്  കാറും ബൈക്കും കൂട്ടിയിടിച്ചു 21 വയസുള്ള യുവാവ് മരിച്ചു.തലച്ചിറ സ്വദേശി നൗഫലാണ് മരിച്ചത്. വാളകം എംഎൽഎ ജംഗ്ഷന് സമീപം എം സി റോഡിനു കുറുകെ കാർ തിരിക്കവേ പിന്നിൽ നിന്നും വന്ന ബൈക്ക് ഇടിച്ചു

ഇടിയുടെ ആഘാതത്തിൽ ബൈക്കിന് പിൻ സീറ്റിലിരുന്ന നൗഫൽ റോഡിൽ തെറിച്ചുവീണാണ് മരണം സംഭവിച്ചത്.

ബൈക്ക് ഓടിച്ചിരുന്ന മുഹമ്മദ്‌ അസ്ലമിനെ പരിക്കുകളോടെ സ്വകാര്യ ആശുപത്രിയിൽ പ്രവേശിപ്പിച്ചു. നൗഫലിന്റെ മൃതദേഹം കൊട്ടാരക്കര താലൂക്കാശുപത്രിയിലേക്ക് മാറ്റി. പോലീസ് കേസെടുത്തു.