അഞ്ചൽ വിളക്കുപാറയിൽ ഭർത്താവ് യുവതിയെ വെട്ടിക്കൊലപ്പെടുത്തി. വിളക്കുപാറ സുരേഷ് വിലാസത്തിൽ സുനിതയാണ് കൊല്ലപ്പെട്ടത്. ഭർത്താവ് ശ്യാംകുമാറിനെ നാട്ടുകാരുടെ സഹായതോടെ എരൂർ പൊലീസ് പിടികൂടി.
മൂന്ന് മാസം മുൻപ് ഭാര്യയെയും മക്കളെയും അക്രമിച്ച കേസിൽ ശ്യാംകുമാറിനെ പൊലീസ് അറസ്റ്റ് ചെയ്തിരുന്നു. ഇതിനുശേഷം ശ്യാംകുമാർ കുടുംബവുമായി അകന്നു താമസിക്കുകയായിരുന്നു. ഇന്ന് വൈകിട്ട് ആറിന് വീട്ടിലെത്തിയ ശ്യാംകുമാർ സുനിതയെ വെട്ടി കൊലപ്പെടുത്തി.
വീട്ടുകാരുടെ നിലവിളി കേട്ടെത്തിയവരാണ് ശ്യാംകുമാറിനെ പിടികൂടി ഏരൂർ പൊലീസിനെ ഏൽപ്പിച്ചത്. വെട്ടേറ്റ സുനിതയെ അഞ്ചലിലെ സ്വകാര്യ ആശുപത്രിയിൽ എത്തിച്ചുവെങ്കിലും ജീവൻ രക്ഷിയ്ക്കാനായില്ല. രണ്ട് മക്കളുമായി മാതാപിതാക്കളോടൊപ്പമാണ് സുനിത താമസിച്ചിരുന്നത്. ഈ വീട്ടിലെത്തിയാണ് ശ്യാംകുമാർ സുനിതയെ വെട്ടി കൊലപ്പെടുത്തിയത്.
No comments:
Post a Comment