കടയ്ക്കൽ: സഞ്ചരിക്കുന്ന പെട്രോൾ പമ്പിനായി ചടയമംഗലം ആർടി ഓഫിസിൽ റജിസ്റ്റർ ചെയ്ത വാഹനം കടയ്ക്കൽ ഗ്രാമ പഞ്ചായത്ത് പ്രസിഡന്റ് എം. മനോജ് കുമാർ ഉദ്ഘാടനം ചെയ്തു.
കടയ്ക്കൽ കാർത്തിക ഫ്യുവൽസ് ഉടമ എം.കെ. ബിജുവിന്റെ പേരിലാണ് മൊബൈൽ പെട്രോൾ പമ്പ് വാഹനം. 6000 ലീറ്റർ സംഭരണ ശേഷിയുള്ള വാഹനം ഹിന്ദുസ്ഥാൻ പെട്രോളിയം കോർപറേഷന്റെ പെട്രോളിയം ഉൽപന്നങ്ങളാണ് നൽകുന്നത്.
ആശുപത്രി, മറ്റ് സ്ഥാപനങ്ങൾ, വാഹനങ്ങൾ എന്നിവയ്ക്ക് താലൂക്കിലെ വിവിധ സ്ഥലങ്ങൾ ളിൽ എത്തി ഇന്ധനം നിറച്ചു നൽ കും. സുരക്ഷാ മാനദണ്ഡങ്ങൾ പാലിച്ചാണ് വാഹനം സജ്ജമാക്കിയിരിക്കുന്നത്. യൂണിറ്റിലേക്ക് ഇന്ധനം നിറയ്ക്കാൻ പ്രത്യേകം ക്യാനറിയും നിർമിച്ചിട്ടുണ്ട്.
ജില്ലയിൽ ആദ്യമായാണ് ഇത്തരത്തിൽ വാഹനം റജിസ്റ്റർ ചെയ്തിരിക്കുന്നത്. 9188785230, 04742425230 ഫോൺ നമ്പറിൽ വിളിച്ചാൽ താലൂക്കിന്റെ എല്ലാ ഭാഗത്തും സേവനം ലഭിക്കും.
No comments:
Post a Comment