കല്ലമ്പലത്ത് വൻ ചീട്ടുകളി സംഘം അറസ്റ്റിൽ

 

കല്ലമ്പലം, പുതുശ്ശേരിമുക്ക്, പാവല്ലയിൽ രേവതിയിൽ ദിലീപ്കുമാർ എന്നയാളുടെ പുരയിടത്തിൽ വൻതുക ഉപയോഗിച്ച് ചീട്ടുകളി നടത്തിയ ഏഴംഗസംഘമാണ് അറസ്റ്റിലായത്.

 കരവാരം തോട്ടയ്ക്കാട് പന്തുവിള കാട്ടിൽ പുത്തൻവീട്ടിൽ ജനാർദ്ദനന്റെമകൻ സാജി ( 47 ),  കരവാരം വണ്ടിത്തടം ബിലാൽ മൻസിലിൽ ജലാലുദ്ദീന്റെ മകൻ നൗഷാദ് ( 44 ), കുടവൂർ വണ്ടിത്തേടം അനിച്ചോത്തിൽ വീട്ടിൽ കാസിംപിള്ളയുടെ മകൻ ഷെരീഫ് ( 54 ),  കരവാരം പുതുശ്ശേരിമുക്ക് പാവല്ല രേവതിയിൽ തങ്കപ്പന്റെ മകൻ ദിലീപ്കുമാർ ( 50 ),  കരവാരം വണ്ടിടം എ. എസ്. മൻസിലിൽ അലിയാരുകുഞ്ഞിന്റെ മകൻ നിസ്സാർ ( 55 ),  പുതുശ്ശേരിമുക്ക് പന്തുവിള ഗീതാഭവനിൽ ഭാസികുറുപ്പിന്റെ മകൻ അനീഷ് ( 35 ) , കരവാരം പുതുശ്ശേരിമുക്ക് കെ. ആർ ഹൗസ്സിൽ കാസിംകുഞ്ഞിന്റെ മകൻ ഫസിലുദ്ദീൻ ( 54 ) എന്നിവരാണ് അറസ്റ്റിലായത്.

 ചീട്ടുകളി സംഘത്തിൽ നിന്നും പതിനായിരകണക്കിനു രൂപയും ചീട്ടുകളും പിടിച്ചെടുത്തു. വർക്കല ഡി.വൈ.എസ്.പിയ്ക്കു ലഭിച്ച രഹസ്യവിവരത്തിന്റെ അടിസ്ഥാനത്തിൽ ഡി.വൈ.എസ്സ്.പി നിയാസ് നേരിട്ടു നടത്തിയ റെയിഡിലാണ് പ്രതികളെ അറസ്റ്റു ചെയ്തത് . 

അന്വേഷണ സംഘത്തിൽ കല്ലമ്പല പോലീസ് സ്റ്റേഷൻ ഇൻസ്പെക്ടർ ഫറോസ്.ഐ, എസ്സ്.ഐ ഗംഗാപ്രസാദ് , വിജയകുമാർ , ഗ്രേഡ് എസ്സ്.ഐ . അനിൽകുമാർ , ജയൻ , എ. എസ്.ഐ സുനിൽ , സീനിയർ സിവിൽ പോലീസ് ഓഫീസർമാരായ ഹരിമോൻ , ബിജു , സിവിൽ പോലീസ് ഓഫീസർമാരായ പ്രശാന്ത് , വിനോദ് , ബിജു എന്നിവർ ഉൾപ്പെട്ടിരുന്നു.