ആലംകോട്: സൗദിയിൽ കാണാതായ ആലംകോട് സ്വദേശി പ്രദീഷ് ഇന്ന് രാവിലെ നാട്ടിലെത്തി. കഴിഞ്ഞ ജൂൺ 4 നാണ് പ്രദീഷിനെ സൗദിയിൽ വെച്ചു കാണാതാകുന്നത്. തുടർച്ചയായി 3 ആഴ്ചകളോളം പ്രദീഷിനെ കുറിച്ച യാതൊരു വിവരങ്ങളും ഇല്ലാതായതിനെ തുടർന്നു പ്രദീഷിനെ കണ്ടെത്താൻ സഹായിക്കണമെന്നാവശ്യപ്പെട്ട് പ്രദീഷിന്റെ ബന്ധുക്കളും തെഞ്ചേരികോണത്തെ ജനപ്രതിനിധിയും മുൻ എംഎൽഎ അഡ്വ.ബി സത്യനെ വിവരം അറിയിച്ചു.
കാണാതായ വിവരം ചൂണ്ടിക്കാട്ടി ജൂൺ 28ന് തിരുവനന്തപുരം വാർത്താ ഡോട്ട് കോം വാർത്ത നൽകിയിരുന്നു.തുടർന്ന് വാർത്ത ശ്രദ്ധയിൽപ്പെട്ട സൗദിയിലെ സാമൂഹ്യ പ്രവർത്തകനായ നാസ് വക്കത്തിന്റെയും അഡ്വ.ബി സത്യന്റേയും കൂട്ടായ പരിശ്രമത്തിലൂടെ പ്രദീഷിനെ കണ്ടെത്തി. തുടർന്നു അതും വാർത്തയായിരുന്നു.
തുടർന്ന് നാസ് വക്കത്തിന്റെ സൗദിയിലെ വസതിയിൽ തന്നെ പ്രദീഷിനെ താമസിപ്പിക്കുകയും, യാത്രാ ടിക്കറ്റ് ഉൾപ്പെടെ ശരിയാക്കി ഇന്ന് രാവിലെ നാട്ടിലെത്തിക്കുകയുമായിരുന്നു. പ്രദീഷ് മണമ്പൂർ പഞ്ചായത്തിൽ, ആലംകോട്, തെഞ്ചേരിക്കോണം നിവാസിയാണ്. രാവിലെ വീട്ടിലെത്തിയ ഉടൻ തന്നെ അഡ്വ. ബി സത്യനെ ഫോണിൽ ബന്ധപെട്ടു അദ്ദേഹത്തിന്റെയും കുടുംബത്തിന്റെയും നന്ദി അറിയിച്ചു. കൂട്ടായ ഉദ്യമത്തിലൂടെ പ്രദീഷിനെ കണ്ടെത്താൻ സഹായിച്ച പ്രവാസി സംഘടനകൾക്കും, ഓൺലൈൻ മാധ്യമ സുഹൃത്തുക്കൾക്കും അഡ്വ. ബി സത്യൻ ഫേസ്ബുക്ക് കുറിപ്പിലൂടെ നന്ദി അറിയിച്ചു.
No comments:
Post a Comment