പിതാവിനോട് എന്നും പ്രിയം പെണ്‍കുട്ടികള്‍ക്കാണെന്നാണ് പൊതുവെ പറയുന്നത്. ഇവിടെയും നിറയുന്നത് സ്വന്തം പിതാവിന് ‘കണ്ണായി’ മാറിയ മകളെ കുറിച്ചാണ്. ആദിവാസി വിഭാഗത്തിലെ കാഴ്ചയില്ലാത്ത അച്ഛന് ഇന്ന് ലോകം കാണുന്നത് മകളുടെ കണ്ണുകളിലൂടെയാണ്. വയനാട് കാവുംമന്ദം പുത്തന്‍മിറ്റം കോളനിയിലെ കേളുവിനാണ് മകള്‍ പ്രവീണ കണ്ണുകളായി മാറിയത്.
ഇരുട്ടുനിറഞ്ഞ ജീവിതത്തില്‍ പിന്നീട് താങ്ങായത് മകളാണ്. അഞ്ച്‌ വയസുമുതലാണ് അച്ഛന്റെ കാഴ്ചയായി മകള്‍ മാറിയത്. പുറത്തേക്കു പോകുമ്പോഴല്ലാം അച്ഛനെ കൂടെ കൂട്ടും. അങ്ങാടിയിലും ആഘോഷവേളകളിലും കൊണ്ടുപോകും. എല്ലാ ദിവസവും പാടത്തും പറമ്പിലൂടെ നടക്കും. കണ്ടകാര്യങ്ങളൊക്കെ അതേ പടി പറഞ്ഞുകൊടുക്കും. അവരുടെ മാത്രം ലോകമാണ് ഈ യാത്രകള്‍. ഈ അച്ഛനെയും മകളെയും വാഴ്ത്തുകയാണ് സോഷ്യല്‍മീഡിയ.
No comments:
Post a Comment