കഴുകി ഉണക്കാനിട്ടിരുന്ന ഷർട്ടിനുള്ളിൽ കയറിക്കൂടിയത് അണലി

പാമ്പുകൾ കയറികൂടി പതിയിരിക്കാത്ത ഇടങ്ങൾ ഇല്ല എന്നു തന്നെ പറയാം. അവയ്ക്ക് സുരക്ഷിതമാണെന്ന് തോന്നുന്നിടത്തോക്കെ അവ അഭയം തേടും. അത്തരത്തിലാണ് അഴയിൽ തൂക്കിയ ഷർട്ടിൽ ഒളിച്ചിരുന്ന വിരുതന്റെ വാർത്ത പുറത്തുവരുന്നതാണ്. ഉഗ്രവിഷമുള്ള പാമ്പായ അണലിയാണ് ഷർട്ടിനുള്ളിൽ പതിയിട്ടിരുന്നത്.

കദളിക്കാട് പാറയ്ക്കൽ വീട്ടിൽ ജസ്റ്റിന്റെ മകൻ ജിൻസൺ അഗസ്റ്റിനെ കടിച്ചത് കഴുകി ഉണക്കാനിട്ടിരുന്ന ഷർട്ടിനുള്ളിൽ കയറിക്കൂടിയ അണലി ഷർട്ട് എടുക്കവയാണ് ജിൻസനെ കടിച്ചത്. പുരികത്തിലാണു കടിയേറ്റത്. ഉടനെ ആശുപത്രിയിൽ എത്തിച്ചതിനാൽ അപകടനില തരണം ചെയ്തു. ഒൻപതാം ക്ലാസ് വിദ്യാർത്ഥിയാണ് ജിൻസൺ.



 ഞായറാഴ്ച വൈകിട്ട് ഏഴിന് ആയിരുന്നു സംഭവം. കുളി കഴിഞ്ഞ് അഴയിൽ കിടന്ന ഷർട്ട് എടുത്തു ധരിച്ചപ്പോൾ പാമ്പ് ജിൻസന്റെ പുരികത്തിൽ കടിച്ചു തൂങ്ങുകയായിരുന്നു. ജിൻസൺ പാമ്പിനെ പറിച്ചെടുത്ത് വലിച്ചെറിഞ്ഞു. നിലവിളി കേട്ടെത്തിയ അമ്മ ഉടനെ കുട്ടിയെ ആശുപത്രിയിലെത്തിച്ചു.

മൂവാറ്റുപുഴ ചാരിസ് ആശുപത്രിയിൽ ഡോ. അജി ബാലകൃഷ്ണന്റെ നേതൃത്വത്തിൽ നടത്തിയ ചികിത്സയിൽ ജിൻസൺ അപകട നില തരണം ചെയ്തു. കടിയേറ്റത് പുരികത്തിൽ ആയതിനാൽ കൂടുതൽ നിരീക്ഷണവും പരിചരണവും മരുന്നും വേണ്ടിവന്നുവെന്ന് ഡോക്ടർ പറഞ്ഞു.