കാഴ്ചയില്ലാത്ത ലോകത്ത് നിന്നും വർണങ്ങളുടെ ലോകത്തേക്ക് അനന്യയുടെ കുതിപ്പ്.ജന്മനാ കാഴ്ചയില്ലാത്ത അനന്യയ്ക്ക് പാടാനുള്ള കഴിവ് ദൈവം കൊടുത്തു.ക്ലാസ് മുറിയില്‍ തന്റെ സുഹൃത്തുക്കള്‍ക്കൊപ്പമിരുന്ന് പാടിയ അനന്യയുടെ വീഡിയോ നിമിഷങ്ങള്‍ക്കകമാണ് വൈറലായത്. കണ്ണൂര്‍ വാരം സ്വദേശിയായ കൊച്ചുമിടുക്കി ധര്‍മ്മശാല മാതൃക അന്ധവിദ്യാലയത്തിലെ നാലാം ക്ലാസ് വിദ്യാര്‍ത്ഥിനിയാണ്.
പാർവതി നായികയാകുന്ന ഉയരെ എന്ന ചിത്രത്തിലെ നീ മുകിലോ എന്ന പാട്ടാണ് പാടിയത്.അനന്യയുടെ പാട്ട് കേരളക്കര ഏറ്റെടുത്തു കഴിഞ്ഞിരിക്കുന്നു.ഇപ്പോഴിതാ ഈ കലാകാരിയെ തേടി ഭാഗ്യം എത്തിയിരിക്കുന്നു.പ്രെജേഷ് സെന്‍ ജയസൂര്യ കൂട്ടുകെട്ടില്‍ ഒരുങ്ങുന്ന ചിത്രത്തില്‍ ബിജിപാലിന്റെ സംഗീതത്തില്‍ പിറക്കുന്ന ഗാനം ഇനി അനന്യയുടെ ശബ്ദത്തിലൂടെ മലയാളികള്‍ കേള്‍ക്കും.
No comments:
Post a Comment