അടുത്തിടെയാണ് മടക്കാവുന്ന ഫോണ്‍ പുറത്തിറക്കുമെന്ന് സാംസംഗ് പ്രഖ്യാപിച്ചത്. ഇപ്പോഴിതാ ചൈനീസ് സ്മാര്‍ട്ട്‌ഫോണ്‍ ബ്രാന്‍ഡായ ഷഓമിയും അതുതന്നെ പ്രഖ്യാപിച്ചിരിക്കുന്നു. അങ്ങനെ വിട്ടുകൊടുക്കില്ലെന്ന വാശിയിലാണ് കമ്പനി. തങ്ങളും ഫോള്‍ഡിംഗ് ഫോണ്‍ പുറത്തിറക്കുമെന്ന് വ്യക്തമാക്കിയിരിക്കുകയാണ് ഷഓമി.
ഷഓമി പ്രസിഡന്റായ ലിന്‍ ബിന്‍ ഷഓമിയുടെ മടക്കാവുന്ന ഫോണുമായാണ് കഴിഞ്ഞ ദിവസം ചൈനീസ് സോഷ്യല്‍ മീഡിയ പ്ലാറ്റ്‌ഫോമായ വെയ്‌ബോയില്‍ വന്നത്. ആദ്യമായിട്ടാണ് ഷഓമി ഫോള്‍ഡിംഗ് ഫോണ്‍ വിഡിയോ അവതരിപ്പിക്കുന്നത്.
സ്മാര്‍ട്ട്‌ഫോണ്‍ വ്യവസായത്തിലെ അടുത്ത വലിയ വിപ്ലവമായി ഫോള്‍ഡിംഗ് ഫോണ്‍ മാറുമെന്നാണ് കരുതപ്പെടുന്നത്. വന്‍കിട കമ്പനികളെല്ലാം തന്നെ ഇതിനെക്കുറിച്ച് ചിന്തിക്കുന്നുണ്ട്.
No comments:
Post a Comment