സാന്താക്ലോസായി സച്ചിന്‍ നേരിട്ടെത്തി; മനസ്സു നിറഞ്ഞ് കുരുന്നുകള്‍

ദൈവപുത്രന്റെ ജന്മദിനമായ ക്രിസ്മസ് ദിനത്തില്‍ ക്രിക്കറ്റ് ദൈവം എന്തു ചെയ്യുകയായിരുന്നിരിക്കും എന്നാലോചിച്ചിരുന്നോ?

മുംബൈയിലെ ആഷ്റായ് ചൈല്‍ഡ് കെയര്‍ സെന്ററിലെ കുരുന്നുകള്‍ക്കൊപ്പമായിരുന്നു സച്ചിന്‍ ഇത്തവണ ക്രിസ്മസ് ആഘോഷിച്ചത്.

കുരുന്നുകളുടെ സാന്തായായെത്തിയ സച്ചിന്‍ കുരുന്നുകള്‍ക്കൊപ്പം സാന്തയുടെ വേഷത്തില്‍ ക്രിക്കറ്റ് കളിക്കുകയും ചെയ്തു.

കുഞ്ഞുങ്ങള്‍ക്കൊപ്പം ആടിയും പാടിയും സന്തോഷം പകര്‍ന്ന സച്ചിന്‍ ബാറ്റുകളും ഫുഡ്‌ബോളുകളും ഉള്‍പ്പെടെ കൈനിറയെ സമ്മാനങ്ങളും നല്‍കിയാണ് കുരുന്നുകളുടെ ക്രിസ്മസ് ആഘോഷം സെഞ്ചുറിയിലെത്തിച്ചത്.

‘എല്ലാവര്‍ക്കും ക്രിസ്മസ് ആശംസകള്‍. ആഷ്റായ് ചൈല്‍ഡ് കെയര്‍ സെന്ററിലെ ഈ കുരുന്നുകളോടൊപ്പമായിരിക്കുന്നത് ഏറെ സന്തോഷകരമാണ്. നിഷ്‌കളങ്കമായ ഈ കുരുന്ന് മുഖങ്ങളില്‍ വിരിയുന്ന സന്തോഷം വിലമതിക്കാനാവില്ല’ സച്ചിന്‍ ട്വിറ്ററില്‍ കുറിച്ചു.

Ho..Ho..Ho... 🎅
Merry Christmas to all of you!🎄

Just amazing to be with these young ones at Ashray Child Care Centre.
The joy on their innocent faces was just priceless! #BecomingSanta #MerryChristmas pic.twitter.com/9hUHKHcYJd

— Sachin Tendulkar (@sachin_rt) December 25, 2018

സച്ചിന്‍ തന്നെയാണ് തന്റെ ക്രിസ്മസ് ദിനാഘോഷത്തെക്കുറിച്ച് ട്വിറ്ററില്‍ കുറിച്ചത്. കുരുന്നുകള്‍ക്കൊപ്പം സന്തോഷം പങ്കിടുന്ന വീഡിയോയും താരം പങ്കുവച്ചു.