ബാര്‍ക്ലേസ് ഹുറണ്‍ ഇന്ത്യ റിച്ച് ലിസ്റ്റ് 2018 പുറത്തിറങ്ങി. ഇത്തവണയും ഇന്ത്യയിലെ ഏറ്റവും സമ്പന്ന വ്യക്തിയായി മാറിയത് മുകേഷ് അംബാനി തന്നെയാണ്. പുതിയ സമ്പന്ന പട്ടിക അനുസരിച്ച് 3,71,000 കോടി രൂപയാണ് മുകേഷ് അംബാനിയുടെ സമ്പത്ത്.831 ഇന്ത്യക്കാരാണ് ഇത്തവണത്തെ സമ്പന്ന പട്ടികയിലുള്ളത്.
റിലയന്‍സ് ഇന്‍ഡസ്ട്രീസ് ചെയര്‍മാനായ മുകേഷ് അംബാനിയുടെ സമ്പത്തില്‍ വമ്പന്‍ വര്‍ധനയാണ് ഉണ്ടായിരിക്കുന്നത്. പ്രതിദിനം 300 കോടി രൂപയുടെ വര്‍ധന അദ്ദേഹത്തിന്റെ സമ്പത്തില്‍ കഴിഞ്ഞ ഒരു വര്‍ഷം ഉണ്ടായതായി ഒരു പ്രമുഖ ദേശീയ മാധ്യമം നല്‍കിയ റിപ്പോര്‍ട്ടില്‍ പറയുന്നു.
റിലയന്‍സ് ഇന്‍ഡസ്ട്രീസിന്റെ ഓഹരിവിലയില്‍ പോയ വര്‍ഷം 45 ശതമാനത്തിന്റെ വര്‍ധനയാണുണ്ടായിരിക്കുന്നത്. സമ്പന്നപട്ടികയില്‍ രണ്ടും മൂന്നും നാലും സ്ഥാനങ്ങളില്‍ വരുന്നവരുടെ മൊത്തം സമ്പാദ്യം കൂട്ടിക്കഴിഞ്ഞാല്‍ കിട്ടുന്നതിനേക്കാളും വലിയ തുകയാണ് മുകേഷിന്റെ സമ്പത്ത്.
1,000 കോടി രൂപയ്ക്ക് മുകളില്‍ സമ്പത്തുള്ള ഇന്ത്യക്കാരുടെ പട്ടികയാണിത്. എസ്പി ഹിന്ദുജ ആന്‍ഡ് ഫാമിലിയാണ് രണ്ടാം സ്ഥാനത്ത്, സമ്പത്ത് 159,000 കോടി രൂപ. ലക്ഷ്മിത മിത്തലും കുടുംബവും മൂന്നാം സ്ഥാനത്തുണ്ട്. 96,100 കോടി രൂപയോടെ അസിം പ്രേംജിയാണ് നാലാം സ്ഥാനത്ത്.
No comments:
Post a Comment