ദക്ഷിണ കൊറിയന്‍ കണ്‍സ്യൂമര്‍ ഇലക്‌ട്രോണിക്‌സ് കമ്പനിയായ സാംസങ് സ്റ്റൈലിഷ് ഫീച്ചേഴ്‌സുള്ള പുതിയ ഗാലക്‌സി സ്മാര്‍ട്ട് വാച്ച് പുറത്തിറക്കി. സില്‍വര്‍, മിഡ്‌നൈറ്റ് ബ്ലാക്ക്, റോസ് ഗോള്‍ഡ് എന്നിങ്ങനെ മൂന്നു നിറങ്ങളിലായി 46 എംഎം, 42 എംഎം വലുപ്പത്തില്‍ വാച്ച് ലഭ്യമാണ്. 29,990 രൂപയും 24,990 രൂപയുമാണ് വാച്ചുകളുടെ വില.
മികച്ച ഡിസൈന്‍ ആണ് വാച്ചിന്റേതെന്ന് സാംസങ് അവകാശപ്പെടുന്നു. ബാറ്ററി ശേഷിയും സൂപ്പറാണ്. മിലിറ്ററി നിലവാരത്തിലുള്ള ഈടാണ് തങ്ങള്‍ ഗാലക്‌സി വാച്ചിന് ഉറപ്പുനല്‍കുന്നതെന്ന് സാംസങ് പറയുന്നു.
സ്‌ട്രെസ് മാനേജ്‌മെന്റ് ട്രാക്കററും അഡ്വാന്‍സ്ഡ് സ്ലീപ് ട്രാക്കറും വാച്ചിന്റെ സവിശേഷതകളാണ്. ഗിയര്‍ എസ് 4ന്റെ പിന്മുറക്കാരനായാണ് ഗാലക്‌സി വാച്ച് എത്തുന്നത്. സര്‍ക്കുലര്‍ ഡിസ്‌പ്ലേയില്‍ പരമ്പരാഗത വാച്ചുകളെ ഓര്‍മപ്പെടുത്തുന്നതാണ് ഡിസൈന്‍ എങ്കിലും സ്മാര്‍ട്ട് വാച്ചിന്റേതായ അത്യാധുനിക സവിശേഷതകളെല്ലാം സമ്മേളിച്ചിരിക്കുന്നു.
No comments:
Post a Comment