കൊച്ചിയിൽ മൽസ്യബന്ധന ബോട്ടിൽ കപ്പലിടിച്ചു; മൂന്നു മരണം

കൊച്ചി∙ മുനമ്പത്തുനിന്നു പോയ മൽസ്യബന്ധന ബോട്ടിൽ കപ്പലിടിച്ച് മൂന്നു പേർ മരിച്ചു. 12 പേർക്കു പരുക്കേറ്റു. ആകെ 15 പേരാണു ബോട്ടിലുണ്ടായിരുന്നത്. ഓഷ്യാന എന്ന ബോട്ടാണു അപകടത്തിൽപ്പെട്ടത്. അപകടമുണ്ടാക്കിയ കപ്പലേതെന്ന് തിരിച്ചറിയാനായിട്ടില്ല.

പുലർച്ചെ പുറംകടലിൽവച്ചാണ് അപകടമുണ്ടായത്. കുളച്ചൽ സ്വദേശികളാണ് ബോട്ടിലുണ്ടായിരുന്നത്. ഇന്നലെ രാത്രിയാണ് ഇവർ മൽസ്യബന്ധനത്തിനു പോയത്. സമീപത്തുണ്ടായ മറ്റു ബോട്ടുകളാണ് പരുക്കേറ്റവരെ രക്ഷിച്ചത്. ബോട്ട് പൂർണമായും മുങ്ങിപ്പോയി. രക്ഷപെടുത്തിയവരെ അൽപസമയത്തിനകം തീരത്തെത്തിക്കും.