പുത്തന്‍ ലഹരി മരുന്ന് തിരിച്ചറിയാന്‍ സംവിധാനമില്ലെന്ന് എക്സൈസ് ; ഞെ​ട്ടി​പ്പി​ക്കു​ന്ന​ സാഹചര്യമെന്ന് കോടതി

കൊ​ച്ചി: സം​സ്ഥാ​ന​ത്ത് പുത്തന്‍ ല​ഹ​രി മ​രു​ന്നു​ക​ൾ തി​രി​ച്ച​റി​യാ​ൻ ആവശ്യമായ സൗ​ക​ര്യങ്ങളില്ലെന്ന് എ​ക്സൈ​സ് വകുപ്പും ചീ​ഫ് കെ​മി​ക്ക​ൽ എ​ക്സാ​മി​ന​റും ഹൈ​ക്കോ​ട​തി​യെ അ​റി​യി​ച്ചു. ല​ഹ​രി മ​രു​ന്ന് കേ​സി​ലു​ൾ​പ്പെ​ട്ട ഇ​ത​ര സം​സ്ഥാ​ന തൊ​ഴി​ലാ​ളി റ​യീ​സ് മു​ഹ​മ്മ​ദ് ന​ൽ​കി​യ ജാ​മ്യാ​പേ​ക്ഷ പ​രി​ഗ​ണി​ക്ക​വെ​യാ​ണ് എ​ക്സൈ​സ് നി​ല​പാ​ട​റി​യി​ച്ച​ത്.

ല​ഹ​രി​മ​രു​ന്നു​ക​ളു​ടെ പ​രി​ശോ​ധ​നാ​ഫ​ലം ല​ഭി​ക്കാ​ൻ വൈ​കു​ന്ന​ത് കേ​സു​ക​ളെ ബാ​ധി​ക്കു​ന്നു​ണ്ടെ​ന്ന് ചൂ​ണ്ടി​ക്കാ​ട്ടി സിം​ഗി​ൾ ബെ​ഞ്ച് എ​ക്സൈ​സ്, ഫോ​റ​ൻ​സി​ക് സ​യ​ൻ​സ് ലാ​ബ് അ​ധി​കൃ​ത​ർ എ​ന്നി​വ​രു​ടെ വി​ശ​ദീ​ക​ര​ണം തേ​ടി​യി​രു​ന്നു. ഇ​തി​ന് മ​റു​പ​ടിയായുള്ള സ​ത്യ​വാ​ങ്മൂ​ല​ത്തി​ലാ​ണ് എ​ക്സൈ​സ് അ​ധി​കൃ​ത​രും ചീ​ഫ് കെ​മി​ക്ക​ൽ എ​ക്സാ​മി​ന​റും പുതിയ തലമുറ ലഹരികള്‍ പരിശോധിക്കാന്‍ സംസ്ഥാനത്ത് സൌകര്യമില്ലെന്ന് കോ​ട​തിയെ ബോ​ധി​പ്പി​ച്ച​ത്. 

മ​യ​ക്കു​മ​രു​ന്ന് പ​രി​ശോ​ധ​ന​യ്ക്കു​ള്ള ഡി​റ്റ​ക്ഷ​ൻ കി​റ്റു​ക​ൾ ലഭ്യമല്ല. മാ​ജി​ക് മ​ഷ്റൂം പോ​ലെ​യു​ള്ള​വ പ​രി​ശോ​ധ​ന വൈ​കി​യാ​ൽ തി​രി​ച്ച​റി​യാ​നാ​വാ​ത്ത വി​ധം ന​ശി​ച്ചു പോ​കു​ന്ന​ ലഹരി വസ്തുക്കളാണ്. രാ​സ പ​രി​ശോ​ധ​നാ​ഫ​ലം ഒ​രു വ​ർ​ഷ​ത്തി​ലേ​റെ വൈ​കു​ന്ന സ്ഥി​തി​യാ​ണ് നിലവിലുള്ളത്. ഇ​ത് പ്ര​തി​ക്ക് ജാ​മ്യം ല​ഭി​ക്കാ​നി​ട​യാ​ക്കു​മെ​ന്നും സ​ത്യ​വാ​ങ്മൂ​ല​ത്തി​ൽ പ​റ​യു​ന്നു.

ഇ​ത്ത​രം സാ​ഹ​ച​ര്യം ഞെ​ട്ടി​പ്പി​ക്കു​ന്ന​താ​ണെ​ന്ന് ചൂ​ണ്ടി​ക്കാ​ട്ടി​യ സിം​ഗി​ൾ ബെ​ഞ്ച് മ​യ​ക്കു​മ​രു​ന്ന് കേ​സു​ക​ളി​ലെ പ​രി​ശോ​ധ​നാ​ഫ​ലം വേ​ഗ​ത്തി​ൽ ല​ഭി​ക്കാ​ൻ ആ​വ​ശ്യ​മാ​യ ന​ട​പ​ടി​ക​ൾ ആ​ഭ്യ​ന്ത​ര വ​കു​പ്പ് സെ​ക്ര​ട്ട​റി, ഡി​ജി​പി, എ​ക്സൈ​സ് ക​മ്മീ​ഷ​ണ​ർ, ഫോ​റ​ൻ​സി​ക് സ​യ​ൻ​സ് ല​ബോ​റ​ട്ട​റി ഡ​യ​റ​ക്ട​ർ എ​ന്നി​വ​ർ യോ​ഗം ചേ​ർ​ന്ന് തീ​രു​മാ​നി​ക്ക​ണ​മെ​ന്ന് നി​ർ​ദേ​ശി​ച്ചു.