സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്‍ സഞ്ചരിച്ച കാര്‍ അപകടത്തില്‍പ്പെട്ടു. കാറിന്റെ പിന്നില്‍ ബസിടിച്ചാണ് അപകടമുണ്ടായത്. സംഭവത്തില്‍ ആര്‍ക്കും പരിക്കില്ല. ദേശീയപാതയില്‍ ചോറോട് ഓവര്‍ബ്രിഡ്ജിനു സമീപം തിങ്കളാഴ്ച ഉച്ചക്ക് മുന്നു മണിയോടെയാണ് അപകടമുണ്ടായത്. തൊട്ടില്‍പ്പാലം റൂട്ടിലോടുന്ന ബസ്സാണ് ഇടിച്ചത്.
മരണവീട്ടില്‍ പോയി വടകരയിലേക്ക് മടങ്ങുമ്പോള്‍ സ്വകാര്യ ബസ് കോടിയേരി സഞ്ചരിക്കുകയായിരുന്ന ഇന്നോവ കാറിന്റെ പിന്നില്‍ ഇടിക്കുകയായിരുന്നു. കാറിന്റെ പിന്‍ഭാഗത്തെ ഗ്ലാസ് തകര്‍ന്നിട്ടുണ്ട്. സംഭവത്തിന് ശേഷം കോടിയേരി മറ്റൊരു വാഹനത്തില്‍ യാത്ര തുടര്‍ന്നു.
No comments:
Post a Comment